Policia e Shkodrës ka zbardhur ngjarjen e ndodhur mbrëmjen e së hënës në lagjen “Perlat Rexhepi”, ku humbi jetën 26 – vjeçari Andrea Çobaj.
Burime zyrtare nga policia e këtij qyteti, bëhet me dije se, nga veprimet e kryera deri më tani, rezulton se 26 – vjeçari është vetëvrarë, duke u vetë qëlluar me një plumb në kokë.
Policia thotë se nga informacionet e marra rezulton se Çobaj nuk kishte konflikte me njeri dhe nuk ka qenë problematik, ashtu sikurse nuk ka precedentë të mëparshëm penalë.
Aktualisht, efektivët e Shkodrës vijojnë punën për zbardhjen e plotë të kësaj ngjarje dhe sqarimin e motiveve që mund ta kenë çuar të riun të ndërmarrë një akt të tillë ekstrem.
Andrea Çobaj, banues në fshatin Bleran, u gjet në makinën e tij tip golf, të cilën e kishte parkuar në një prej rrugëve të brendshme ku nuk mungon ndriçimi.
Në makinën e tij u gjet një pistoletë që shtoi dyshimet e policisë së bëhej fjalë për një vetëvrasje.
Çobaj ishte ende gjallë në momentin e mbërritjes së policisë dhe u trasportua me urgjencë në spital, por nuk mundi t’i mbijetojë plagës së marrë në kokë. /tvklan
