Mbrojtësi i Liverpool, Dejan Lovren humbi mundësinë të ishte pjesë e Kampionatit Europian “Francë 2016”, për shkak se mësoi se bashkëshortja e tij po e tradhëtonte atë me punonjësin e pyjores. Ylli i futbollit kroat, i cili u transferua te Liverpool gjatë vitit 2014, për shumën e 23.5 milionë euro dhe fiton konkretisht 77 mijë euro në javë, mori gruan e tij, Anita, dhe u larguan për disa kohë me pushime, pasi mësoi faktin se ajo kishte nisur të takohej me një mikun e saj të vjetër, Dario Torbic, i cili mendohet se fiton jo më shumë se 235 euro në muaj. Lovren, 27 vjeç u vra shpirtërisht dhe u turpërua kur mësoi për tradhëtinë, por miqtë e tij tregojnë se ai ishte i vendosur të shpëtonte martesën me mamanë e dy fëmijëve të tij.
Burimi deklaroi se kur Lovren mësoi për tradhëtinë: “I vrau krenarinë dhe ndikoi në performancën e tij në futboll. Zakonisht janë futbollistët ata që tradhëtojnë partneret e tyre dhe jo anasjelltas”. Qendërmbrojtësi arrit të organizojë disa pushime në qershor, pavarësisht se e dinte që Kroacia do të luante në Europian dhe se ai do të ishte në listën e futbollistëve që do të grumbulloheshin për turneun madhor.
