Gjykata e Posaçme caktoi masën e sigurisë “arrest në burg” për gjashtë persona të akuzuar për trafikimin e automjeteve të vjedhura nga Kosova në Shqipëri, mes të cilëve dy punonjës policie.
Sipas vendimit të gjykatës në burg do të qëndrojnë efektivët Vojsava Doda dhe Endi Ahmetaj dhe të dyshuarit e tjerë Selaudin Shahini, Aurel Shatri, Ndriçim Shahini dhe Ervis Cara, të akuzuar për “trafik të mjeteve motorike” dhe “grup të strukturuar kriminal”.
Për efektivin e tretë të arrestuar, Fatri Braha, i akuzuar vetëm për “shpërdorim të detyrës” u caktua masa e “arrestit në shtëpi”.
SPAK pretendon se anëtarët e grupit kriminal merrnin targa shqiptare dhe ua montonin mjeteve të vjedhura në Kosovë për ti kaluar në kufi. Rastësia zbuloi grupin kriminal! Një qytetar nga Kosova ka parë mbrëmjen e 24 Shkurtit makinën e tij të vjedhur një natë më parë në Ferizaj në qytetin e Fushë Krujës aty ka bërë denoncim dhe policia ka ndaluar makinën tip “Volksëagen Golf “në Kamëz.
Pas verifikimeve konstatoi se automjeti po drejtohej nga punonjësja e Forcave Operacionale Vojsava Doda dhe u konstatua se targat ishin të një tjetër automjeti të marrë me qira dhe nuk përkonin me atë çka kishte deklaruar policja.
Koka e grupit dyshohet sipas SPAK, Selaudin Shahini i cili kishte dhe një marrëdhënie intime me Dodën. Shahini kishte kontakte me shtetas nga Kosova që merreshin me vjedhjen e makinave dhe sipas verifikimeve te deritanishme rezultojnë të jenë persona me precedent të mëparshëm kriminal./Klan News
