Policia arriti të zbulojë dhe arrestojë brenda dy ditësh autorët e grabitjes së përgjakshme në Kamëz, ku humbi jetën Agim Buci dhe u plagos rëndë gruaja e tij, Merita. Ngjarja e rëndë ndodhi rerth orës 21:000 të së mërkurës në një market të vogël që familja Buci kishte ngjitur me murin e shtëpisë në lagjen OSBE të Kamëz.
Autorët e dyshuar janë Vladimir Kurti, 28 vjec dhe Ruzhdi Hode, 25 vjeç të dy nga Burreli dhe me banim në Kamëz. Ekzekutori, pra personi që ka shprehur armën ndaj 53 vjecarit, Buci është Vladimir Kurti, person i rrezikshëm me precendentë penalë dhe i dyshuar dhe për grabitje të tjera. Për ironi të fatit, Kurti dhe Buci ishin nga e njëjta zonë, nga Burreli dhe banues në Kamëz. Dy personat e arrestuar nga policia, gjatë marrjes në pyetje nga grupi hetimor kanë pranuar autorësinë e krimit, duke u shprehur se kanë qëlluar në drejtim të Agim Bucit.
25 vjecari, Hode ka thënë në polici se “u nisëm të merrnin çfarë të gjenim, sepse e dinimi që nuk kishin shumë para”. Po kështu ai ka thënë se e njihte çiftin Buci pasi ishin komshinj.
*Në foto: Ruzhdi Hoda
DEKLARATA E PLOTE E POLICISE DHE VIDEO E GRABITJES
Sot gjatë orëve të para të mëngjesit, Policia e Tiranës në bashkëpunim të ngushtë me Prokurorinë e Rrethit Gjyqësor Tiranë, finalizuan me sukses operacionin e koduar “Hijet” duke zbardhur dhe dokumentuar autorësinë e ngjarjes të ngjarjes së ndodhur 2 ditë më parë në Kamëz, ku gjatë vjedhjes me armë mbeti i vrarë shtetasi Agim Buci dhe u plagos bashkëshortja e tij, Rita Buci.
Operacioni është rezultat i punës profesionale të pandërprerë, duke vlerësuar maksimalisht informacionet e mbledhura si dhe provat e administruara nga grupi i posaçëm hetimor.
Si rezultat i hetimeve të deritanishme, rezulton se autorë të dyshuar kësaj ngjarjeje janë 2 shtetasit:
– Vladimir Kurti, 28 vjeç, banues në Tiranë.
– Ruzhdi Hode, 25 vjeç, banues në Tiranë.
Ata ndodhen aktualisht të ndaluar nga policia mbi bazën e urdhërave të dala nga Prokuroria.
Nga hetimet rezulton se i dyshuari Vladimir Kurti ka kryer ekzekutimin me armë zjarri të shtetasit Buci dhe plagosjen e bashkëshortes së tij.
Në cilësinë e provës materiale është sekuestruar automjeti tip “Volklsvagen”, me të cilin autorët kanë shkuar dhe më pas janë larguar nga vendi i ngjarjes, veshjet dhe dorezat e përdoruara në vendngjarje. Ndërkohë vijojnë kërkimet për gjetjen e provave të tjera materiale.
Materialet për këtë ngjarje do t’i kalojnë për veprime të mëtejshme Prokurorisë Prokurorisë Pranë Gjykatës së Shkallës së Parë Tiranë për veprat penale të “Vjedhjes me armë me pasojë vdekjen” e kryer në bashkëpunim dhe “Prodhimi e mbajtja pa leje e armëve dhe municioneve luftarake”.
Policia e Shtetit, duke falënderuar qytetarët dhe mediat për bashkëpunimin, shprehet e vendosur të godasë me Forcën e Ligjit çdo akt, grup kriminal apo paligjshmëri, për të ndërtuar së bashku një Shqipëri më të mirë dhe të sigurt.
