Është zbardhu dëshmia e kushërinjve Jashar dhe Bilbil Maja, të cilët u dhunuan barbarisht nga fisi Rraja në Krujë, pak ditë më parë.
“News24” raporton se Bilbil Maja ka deklaruar para policisë se ka qenë në lokal me kushëririn duke folur me inixhinerin e firmës dhe më pas në një moment sipas tij me armë në dorë janë afruar vëllezërit Xhelal dhe Flamur Rraja.
Sipas Bilbil Majës, ata i kanë drejtuar armën në barkë dhe teksa e kanë ofenduar i kanë kërkuar të shtrihet në tokë.
Në atë moment, ka parë edhe persona të tjerë të afrohen me shkopa bejsbolli dhe e kanë sulmuar.
“Në lokal pashë që kur u shtriva në dysheme u futën edhe katër persona të tjerë, ishte edhe “Çaku” që është pronar i gurores. Kishin në duar shkopinj me të cilët na godisnin. Flamur Rraja më ka goditur me shulin e pistoletës, kurse Xhelal Rraja më goditi nga mbrapa në shpinë me qytën e pistoletës.”, ka thënë në polici Bilbil Maja.
