Elvis Shkëmbi, autori 30-vjeçar i vrasjes së gjyqtarit Astrit kalaja ka dëshmuar në polici se armën e mbante gjithmonë me vete dhe se e qëlloi gjyqtarin për shkak të mllefit pas vendimit të gjykatësit.
“Dëgjova vendimin e gjykatësit, armën e kisha me vete. E mbaja gjithmonë me vete dhe ashtu e mendova për momentin u ngrita e qëllova, më kapi një si mllef”, tha autori në dëshminë e dytë të tij.
Ndërkohë xhaxhai i tij Gjon Shkambi deri në këto momente nuk ka dhënë asnjë deklarim për grupin hetimor.
