Policia e Tiranës ka zbardhur plagosjen e 3 Shtatorit 2024 në “Don Bosko” në Tiranë, ku mbetën të plagosur Kastriot Elezaj dhe Renaldo Metushi.
Bëhet e ditur se policia ka shpallur në kërkim një prej autorëve. Ndaj tij është caktuar nga gjykata masa e “arrestit me burg”, pas konfirmimit me prova.
Kujtojmë se të plagosur rreth dy muaj më parë mbetën Kastriot Elezaj 45 vjeç dhe Renaldo Metushi 22 vjeç. Ata u qëlluan me armë zjarri teksa ndodheshin në lokal.
Sipas dëshmive, autorët zbritën nga automjeti tip “Golf 5” dhe qëlluan me armë me silenciator. Më pas makinën e dogjën në zonën e Institutit.
