Ata duken tamam si dy burra të moshës së mesme, që bëjnë thashetheme, e quajnë njëri-tjetrin mik apo shok dhe shkëmbejnë lajme mbi fëmijët, bashkëshortet apo punët e tyre.
Por nuk është një marrëdhënie e zakonshme. Ishte një raport intim dhe i besueshëm miqësie, mes ish -presidentit amerikan Bill Clinton dhe kolegut të tij politik, ish-Kryeministrit britanik Tony Blair, gjatë kohës që ata drejtonin shtetet e tyre në kapërcyell të shekujve.
Janë 532 faqe materiale, të zbardhura nga bisedat e tyre telefonike të publikuara nga Libraria e presidentit Clinton, pas një kërkesë të bërë nga BBC mbi lirinë e informacionit.
Në atë periudhë Blair dhe Clinton janë përfshirë nga bisedat mbi luftën në Ballkan apo lëvizjet e paqes në Iralandën e Veriut, tek bebisiteri për fëmijën e djalit të Blair apo tek bisedat për qenin e dashur të Clinton, Buddy.
Blair dhe Clinton diskutojnë gjithashtu për krizën gjeopolitike dhe bombardimet e NATOS në ish-Jugosllavi gjatë krizës së Kosovës në vitin 1999.
Në një pikë, Clinton pohon frikën e tij për dërgimin e trupave amerikane në betje, duke kujtuar se si ndërhyrja e tij në Somali e goditi emocionalisht dhe politikisht, pasi disa amerikanë u vranë.
“Kjo ishte pika ime më e ulët në presidencë. Ishte një mankth. Ndjehesha përgjegjës personalisht për ata trupa fëmijësh të vrarë nëpër rrugë”.
Një nga telefonata më interesante mes dy liderëve, është edhe ajo që lidhet me vdekjen e Princeshës Diana, në 1 Shtator të vitit 1997.
“Eshtë një lajm shumë i zymtë,” i thotë Blair mikut të tij Clinton.
“Eshtë i tmerrshëm, është vërtet i tmerrshëm,” i përgjigjet Presidenti amerikan, duke pohuar se është i shqetësuar për djemtë e saj.
“Personalisht do të me mungojë, është si një yll që humbi,” ka vijuar Blair.
Të dy e kanë përfunduar bisedën me fjalët e zakonshme.
“Kujdesu për veten mik, mirë u pafshim,” thotë Clinton, ndërsa Blair i përgjigjet: “Mirë u pafshim Bill, gjithë të mirat”.
