Një ish-oficer policie që tashmë është biznesmen ndërtimi është përmendur në një telefonatë të përgjuar nga Prokuroria e Krimeve të Rënda mes Gilmando Danit dhe një personi tjetër ende të paidentifikuar. Bëhet fjalë për ish-policin Ardjan Resulaj, i cili përmendet nga dy personat, të cilët kanë qënë në përgjim që prej vitit 2015 nga prokuroria.
Personat e përgjuar flasin për Resulajn dhe shkëmbejnë informacion lidhur me aktivitetin e tij, makinën me të cilën ai lëviz dhe të kaluarën e tij, duke evidentuar se ka qenë ish-polic nga Vlora.
Më tej të njëjtët persona, në një bisedë të dytë flasin për një femër të quajtur Remidona Zeneli. Sipas bashkëbisedimit, dy personat thonë se Zeneli lëviz me një automjet tip “Porch”, dhe flitet për pronësinë e kësaj makine, shkruan Shqiptarja.com.
