Plagosja e nipit të Aldo Bares dhe shokut të tij pasditen e sotme në Lushnje, mësohet të ketë ardhur pas një sherri që ndodhi në qendër të Lushnjes.
Xhulio Shkurti, 21 vjeç, bashkë me shokun e tij Sajmo Xhelili, 24 vjeç kanë qenë duke biseduar në këmbë, 200 metra larg Komisariatit të Policisë së Lushnjes, kur në drejtim të tyre është afruar një automjet.
Autori ka qëlluar nga makina duke i lënë të plagosur dy të rinjtë.
Djali i motrës së Bares, cilësuar si kreu i Bandës së Lushnjës, u plagos në këmbë bashkë me shokun e tij dhe të dy u dërguan në Tiranë për ndihmë mjekësore. Aktualisht ndodhen jashtë rrezikut për jetën.
Policia ka identifikuar autorin dhe është vënë në ndjekje të tij.
