Në datën 7.01.2016 është gjetur në zonën e Fushës Krujës trupi i pajetë i shtetasit Gazmend Çollakut.
Ky i fundit ishte rrëmbyer një ditë më parë në qendër të Durrësit nga disa persona të veshur me uniforma të Policisë.
Sapo ka marrë njoftimin për këtë ngjarje Policia e Shtetit ka zhvilluar kontrolle për personat e dyshuar. Ndër këto veprime është ndaluar dhe kontrolluar mjeti tip ML i cili drejtohej nga shtetasi Denis Shtraza dhe që shoqërohej nga një person tjetër.
Gjatë kontrollit te mjetit dy personave u janë gjetur disa celularë të fikur. Nga kjo e dhënë policia ka ngritur dyshimet dhe ka vendosur bllokimin e përkohshëm të mjetit, ndërkohë që dy personat e shoqëruar janë lënë përkohësisht të lirë.
Ndërkohë nga hetimet e Prokurorisë për Krime të Rënda, ndër të tjera është bërë edhe kqyrja e kufomës dhe është urdhëruar ekspertiza.
Nga të dhënat shkencore, në fashat plastike me të cilat ishte lidhur viktima, u gjetën disa gjurmë gjaku, të cilat nuk i përkisnin viktimës, por që kishin vlera identifikuese.
Po ashtu, nga ekspertiza mjeti tip ML në pjesën e pasme të saj u gjetën gjurmë gjaku. Këto gjurmë, pasi u krahasuan, rezultuan të njëjta me gjurmët e gjakut të gjetura me fashën plastike me të cilën ishte lidhur viktima Çollaku.
Në këto kushte, Prokuroria e Krimeve të Rënda ka krijuar dyshime të arsyeshme se këta persona duhet të kenë qenë pjesë e pengmarrjes dhe vrasjes së shtetasit Çollaku.
Në mjetijn ML të Dalipaj dhe të Shtazës u gjetën gjurmë gjaku të ngjashme me ato të Gazmend Çollakut.
