Policia jep detaje të reja mbi ngjarjen e ndodhur tek Komuna e Parisit mbrëmjen e sotme, kur në zonë janë dëgjuar krisma me armë zjarri, ndërsa më pas një telefonatë nga qytetarët ka raportuar ngjarjen në sallën operative. Sipas të dhënave të deritanishme një person ende i paidentifikuar për uniformat blu, ka qëlluar me armë në ajër, teksa udhëtonte me një automjet BMW ngjyrë e zezë. Pas ngjarjes mjeti është larguar në drejtim të Selitës dhe nuk dihet nëse ka patur një objektiv sulmi.
Policia ka ngritur pika kontrolli në të gjithë qytetin dhe janë marrë në pyetje edhe dëshmitarë në vendngjarje, ku është gjetur edhe një gëzhojë. Njëkohësisht po shqyrtohen edhe kamerat e sigurisë së bizneseve përreth.
NJOFTIMI ZYRTAR I POLICISE:
Rreth ores 21:05, tek Komuna e Parisit, mbrapa nje qendre tregtare, një person i paidentifikuar, i cili udhetonte ne nje automjet tip BMë ngjyre e zeze, ka qelluar ne ajer, dhe është larguar ne drejtim te Selites. Per momentin nuk raportohen te lenduar. Ne vendngjarje kane shkuar sherbimet e Komisariatit Nr 2, Shqiponjat si dhe grupi hetimor. Nga kqyrja e vendit te ngjarjes eshte konstatuar nje gezhoje, 7.65 mm. Po punohet per sqarimin e rrethanave te ngajrjes dhe identifikimin e autoreve.
