Zbardhen detaje të reja/ Vrasja e shqiptarit në Ekuador: Ishte agjent i dyfishtë i policisë në trafikun e drogës

Janë zbardhur të tjera detaje nga vrasja e Ilir Hidrit në rrugët e kryeqytetit Quito, Ekuador, ku u qëllua me tre plumba pas koke, ku dyshimet e para janë për larje hesapesh që kanë për zanafillë trafikun e drogës. Hidri, 40 vjeç, me origjinë nga Vlora, me shumë gjasa thuhet të jetë eliminuar nga një tjetër shqiptar, vrasës me pagesë. Dyshohet se Hidri ishte infiltruar në një rrjety tjetër të trafikimit të drogës dhe për këtë qëllim është eliminuar pasi është dekonspiruar. Policia e Ekuadorit ka identifikuar autorin nga kamerat, ndërkohë që mësohet se Hidri kishte rol të dyfishtë pasi punonte edhe për policinë vendase në dekonspirimin e rrjetit të narkotrafikantëve.