Pasi kanë kaluar dy ditë nga ngjarja që tronditi Tiranën këtë të martë, të tjera detaje janë zbuluar nga policia për vrasjen e 28-vjeçarit Marjo Majollari.
Burime të ABC News thonë se në momentin e ekzekutimit ka qenë vetëm një person. Më pas u largua në këmbë drejt rrugicave të pallateve në drejtim të Tufinës. Po të njejtat burime shprehen se dyshohet se vrasësin e priste një automjet ngjyrë gri dhe më pas është larguar me shpejtësi.
Policia thotë zyrtarisht se automjeti i djegur në Fushë-Krujë që u gjet ditën e djeshme nuk ka lidhje me ngjarjen, por mund të jetë përdorur nga organizatorët e vrasjes si karrem për të devijuar hetimet.
