Janë mbi 10 plumba që kanë qëlluar mëngjesin e sotëm 53-vjeçarin Fatbardh Lici, duke u ekzekutuar në hyrje të një lokali në lagjen ‘Kiras’ të Shkodrës.
Lici ka qenë duke pirë kafen e mëngjesit në një nga lokalet pranë ish-poçerisë së vjetër në Shkodër, kur një makinë është afruar dhe më pas është qëlluar me armë.
Pasi ka zbrazur një karikator të tërë, autori është larguar me shpejtësi nga rruga pranë ‘5 heronjve’ në dalje të qytetit dhe më pas drejt fshatit Dobraç i Ri, ku është gjetur edhe një makinë duke u djegur.
Hetuesit thonë se nga autori mund të jetë përdorur për krimin një pistoletë automatike ose automatik i shkurtër, tip gjerman.
Dyshohet se viktima ka qenë i vetëm në lokal, nisur edhe nga fakti që është qëlluar disa herë dhe nuk ka pasur persona të tjerë të lënduar. /BW
