Sot në orën 15.00 Gjykata e Krimeve të Rënda do dalë me një vendim nëse Ervis Martinaj do të vazhdojë të qëndrojë në burg apo do të lirohet nga akuza për vrasjen e ndodhur në ish-bllok më datë 4 Tetor.
Neës 24 ka publikuar komunikimet e fundit në whats app midis Martinaj dhe grupit të tij, mbrëmjen kur në lokalin “Monopol” u plagos vetë ai dhe mbeti i vrarës shtetasi Fatjon Gaxha.
Këto komunikime janë edhe në dosjen e Prokurorisë e cila thotë se ka prova të forta për të mbërthyer Martinajn.
Komunikimet e Martinaj me shokët e tij në ëhats app dhe Telegram kanë bindur Prokurorinë se konflikti nuk kishte lidhje me këngëtaren Elvana Gjata dhe nuk ishte i rastësishëm por i planifikuar.
Sipas informacioneve që disponon Prokuroria, Martinaj pasi i dërgon mesazh Ervin Matës që ta presë tek “Monopol”, shkruan në ëhats app me pjesën tjetër të grupit ku i kërkon që të vijnë të armatosur në lokalin e Redi Popeskut.
Për më tepër kamerat e sigurisë kanë filmuar kur protagonistët e masakrës futen në lokal dhe dalin të plagosur.
Nga akti i ekspertimit teknik-elektronik nr.11694, dt.02.11.2018 i aparatit telefonik të sekuestruar të arrestuarit Ervis Martinaj kanë rezultuar këto të dhëna me rëndësi për hetimin:
Në rrjetin Whatsapp më datë 04.10.2018 rezultojnë këto komunikime
Ora 21.12 komunikon me numrin 0699***854 regjistruar me emrin “Boli” me tekst “mer” dhe më pas ora 21.15 “afrohu në blllok përballë bilioner te rrobat e shtrenjta”.
Ora 21.16 komunikon me numrin 06821***16 regjistruar me emrin “San” me tekst “afrohu bllok”, “mer nej gje me vetr” dhe ora 21.45 “Ku je?”.
Në regjistrin e kontakteve të aparatit telefonik me emrin Boli është regjistruar numri 0699***854, ndërsa me emrin San numri 0682***816.
Në rrjetin telegram më datë 04.10.2018 rezultojnë këto komunikime me kontaktin e regjistruar me emrin “Aldoo” që i përket numrit në regjistrin e kontakteve të aparatit telefonik 0699***239 nga ora 21.04 deri në orën 21.19:
– Ku je (shkruan E.Martinaj)
– afrohu
– Po pres Olsin me ik me taku (shkruan Aldoo)
– Te local
– Ols
– Ols
– Mos bono
– Ca veni je
– Lidhu me cunat
– Afroh
– Me arm
– Ok
– Ndalo para lokalit arit
– Ok
– Erdhem
– Jam me Olsin
– Qunat po vin
– Po cunat
– Afroji
– Po sapo dalin nga shpija
– Ti ku je
– Un per 1 sekond aty
– Cunav te dyqani redit rrobave afroh
– A erdhe
– Po te lokali arit jam
– Ku
Po ashtu, rezulton një komunikim 18.58 e në vijim me kontaktin e regjistruar Aldoo ku bëhet fjalë komunikimi “marum me kret…të dyja…po ju dhashë për 3 cop…pse…edhe për 1 g…G kujt..ati me porch…”.
Ndërkohë lidhur me hetimin e dinamikës dhe të përfshirëve në ngjarjen e 4 tetorit prokuroria kërkon kohë për të verifikuar 4 telefona celularë të sekuestruar atë mbrëmje pasi janë të koduara dhe nga drejtoria e policisë Tiranë nuk mund të analizohen.
Mes tyre dy telefona IPhone, një Blackberry dhe një Nokia, për të cilat u është kërkuar ndihmë Izraelit me letërporosi.
