Një 24-vjeçar është arrestuar pasi ka hedhur pranë banesës së një 57-vjeçari, një zarf me barut dhe një letër me mesazh kërcënues për jetën.
Pas marrjes së njoftimit oficerët e policisë kanë organizuar punën për zbardhjen e ngjarjes, identifikimin dhe kapjen e autorit.
Si rezultat i operacionit policor të koduar “Zogaj”, u bë i mundur identifikimi, kapja dhe arrestimi në flagrancë i shtetasit R. M., 24 vjeç, banues në Shupenzë i dënuar më parë për veprën penale “Dhunë në familje”.
Nga veprimet e para hetimore dyshohet se 24-vjeçari ka hedhur në oborrin e banesës së shtetasit N. Ll., 57 vjeç, një zarf me një sasi të vogël pluhur baruti në brendësi dhe një letër me mesazh kërcënues për jetën.
Strukturat hetimore vijojnë punën për zbardhjen e motivit të ngjarjes dhe dokumentimin e plotë ligjor të ngjarjes.
24-vjeçari për veprat penale “Kanosja” dhe “Mbajtja pa leje dhe prodhimi i armëve shpërthyese dhe i municionit”.
