Ish-lojtari i kombëtares Argjentinase, Javier Zanetti ka deklaruar se trajneri i Argjentinës, Jorge Sampaoli ka bërë një gabim që ka lënë jashtë kombëtares Argjentinase, sulmuesin e Interit, Mauro Icardin.
“Mauro Icardi e ka merituar një mundësi për atë që ka bërë dhe që vazhdon ta bëjë. Do të doja që Icardi të ishte në Rusi. Ai është shumë i ri dhe ka një të ardhme përpara tij. Ai do të ketë mundësinë që të jetë pjesë e skuadrës së Argjentinës” ka thënë Zanetti.
Mauro Icardi u shpall edhe golashënuesi më i mirë në Serie A me skuadrën e Interit me 29 gola të shënuar, por trajneri i Argjentinës nuk e ka preferuar lojtarin ta grumbullojë për në Botëror.
