Pas 15 vitesh, Zana Çela nuk do të jetë, të paktën për aq kohë sa është në krye të Teatrit të Operas dhe Baletit, drejtorja e festivalit të vetëm operistik në Shqipëri “Marie Kraja”.
Ai do të drejtohet artistikisht nga sopranoja Inva Mula, që do të jetë njëherësh dhe producente. Më shumë se një mikeshe që në bankat e shkollës, Zana Çela i ka besuar artistes së skenave të rëndësishme të muzikës operistike dhe zërit që nuk i ka munguar këtij festivali si anëtare jurie, por edhe si e ftuar për të kënduar.
E vetmja ndërhyrje që Inva Mula do të bëjë në përmbajtjen e konkurs-festivalit është te cilësia e vokaleve.
Formula e konkurrimit për 16 këngëtarët lirikë, që në edicionin e 16 pritet të këtë një prurje të madhe me zë tenorësh, do të mbetet e njëjta, ashtu si edhe juria profesioniste, emrat e të cilëve producentja e re, Inva Mula, do t’i zbulojë në fillim të festivalit.
Tv Klan
