Zoran Zaev i është drejtuar me ultimatum presidentit maqedonas Gjorgje Ivanov, duke i thënë prerë se ka “10 ditë kohë për ta mandatuar me krijimin e qeverisë së re”.
Presidenti deri tani ka përdorur argumentin se koalicioni me partitë shqiptare dhe pranimi i platformës së tyre rrezikojnë shtetin në Maqedoni.
I dërguari gjerman në Shkup, Christian Hellbach, u bë zëri më i fundit që i kërkoi Ivanovit të tërheqë vendimin e tij e të respektojë parimet demokratike. Kreu i shtetit maqedonas shfrytëzoi rastin e 25 vjetorit të komandës së forcave të armatosura për të deklaruar se ushtria është e gatshme të mbrojë integritetin territorial dhe pavarësinë e vendit.
“Edhe sot, ashtu si përpara një çerek shekulli, përballemi me sfida. Por edhe sot, ashtu si atëherë, kemi ushtrinë e Republikës, e cila do të na mbrojë nga kërcënimet”, ishte komenti i Ivanov.
Jane shtuar ndërkohë shqetësimet se ato që përshkruhen si protesta “patriotike” mund të marrin një kthesë të dhunshme. Disa prej tubuesve të intervistuar nga media rajonale kanë shpërthyer në zemërim vetëm nga përmendja e emrit të Zaevit.
Pranimin e platformës së shqiptarëve nga ana e tij, ata e kanë quajtur të papranueshëm, ndërsa përmbajtjen e platformës e cilësojnë një tradhti.Organizatorët e marshimeve pretendojnë se nuk kanë lidhje me VMRO-DPMNE-në, por fakti mbetet që protestat nisën menjëherë pas thirrjeve të Nikola Gruevskit për “mobilizim” në mbrojtje të vendit.
Prezantimi i programit
“Qeveria e re do ta ruaj sovranitetin e shtetit. Do të fokusohet për një shtet të së drejtës dhe që sa më shpejtë të futemi në NATO dhe EU. Qytetarët e Maqedonisë dëshirojnë paga më të mira dhe stabilitet politik dhe për këtë shumica e qytetarëve i dhan mbështetje LSDMsë”, kështu deklaroi në konferencën për shtyp lideri i LSDM Zoran Zaev, tregon kështu gazetari i Agjencisë së lajmeve Zhurnal nga selia e LSDM.
“Sot jam këtu që tju them që do jem Kryeministrët i gjithë qytetarëve të Maqedonisë pa marrë parasysh përkatësisë etnike dhe partiake të qytetarëve. Për mua të gjithë qytetarët do të jenë të njejtë. Vetëm politikan jo serioz i friksojnë qytetarët e vet për të vetmin qëllim që të shpëtojnë lëkurën e tyre. Kjo lojë e Gruevskit dhe Ivanovit vec plasojnë informata të rreme dhe të pasakta me propagandat e tyre mediatike. Të vetmin qëllim këta persona e kanë të krijojnë huti dhe përleshje vetëm e vetëm të mos e dorëzojnë pushtetin në mënyrë të qetë. Ne si LSDM të vetmin qëllim e kemi që tju mundësojmë jetë më të mirë të gjithë qytetarëve dhe të ndjehen të barabartë, Maqedonia do të jetë i gjithë qytetarëve, nuk do të ketë më ndarje”, thekson më tej Zaev në paraqitjen e tij para qytetarëve.
“Do tju mundësojmë secilit qytetarë të jetë i lirë dhe ti gëzon të drejtat e tij në mënyrë të barabartë me gjithë të tjerët. Në 6 muajt e para të qeverisë së re do të fokusohemi që të rrisim pagat e punjonësve dhe të rrisim ekonominë. Nuk do të pasurohen funksionerë në shpinë të qytetarëve. Do tju ndihmojmë edhe bujqëve me subvencione nga më të ndryshme. Do të obligohemi se gjitha komunat do të marrin buxhetin e merituar në mënyrë të barabartë. Qeveria e re do të luftoj shumë rrept korrupcionin dhe krimin dhe gjithë personat e dyshuar do të dalin para drejtësisë. Do ta reformojmë RTVMnë që ajo të punoj në mënyrë të pavarur që qytetarët të informohen në mënyrë të drejtë dhe pa prapavija politike”, kështu në vazhdim të konferencës së tij Zaev.
“Qeveria e re do të fokusohet që totalisht të zbardhi rasti i Kumanovës me çka do të dihet se për çka kanë ardhur ato persona këtu dhe kush i ka organizuar. Qeveria e re do të zbaton politikë ku Maqedonia do të jetë një shtet qytetarë i të gjithë etniteteve. Gjuha shqipe do të jetë e zgjeruar në disa institucione në të kushtetutës së Maqedonisë me çka qytetarët shqiptarë të mund të komunikojnë më lehtë, por jo vetëm shqiptarët por edhe etnitetet tjera. Nëse një qytetarë fol gjuhën e tij amtare, me këtë fiton Maqedonia si një shtet multietnik dhe multikulturorë”, thekson kështu lideri i LSDM Zoran Zaev.
Ai shton se do të ketë ligj për avancim të ligjit për gjuhën shqipe që qytetarët të komunikojnë më lehtë me institucionet. Maqedonia do të shtet i të gjithë qytetarëve. Do të përkrahim politikat e gjuhës. Qeveria e re do të propozojë ligj për gjuhën shqipe për zgjerim të përdorimit në institucione, ku do t’u mundësojë shqiptarëve që të komunikojnë më lehtë me institucionet. Atje ku ka 20% të qytetarëve, aty do të ketë gjuhë tjetër shtesë zyrtare, pra turqisht ku ka turq, rome ku ka romë.
