Zëvendëskryeministri i Maqedonisë së Veriut, Artan Grubi është shprehur se anëtarë e kolicionit qeverisës nuk do të lejojnë që Zoran Zave të jap dorëheqjen nga posti i kryeministrit.
Grubi tha në emisionin “Opinion” se Zaev ka paralajmëruar dorëheqjen, por nuk e ka dorëzuar zyrtarisht në Kuvend. Më tej numri dy i qeverisë së shtetit fqinj tha se Zaev i duhet vendit për ta anëtarësuar atë në BE dhe për të vijuar me reformat.
Grubi shpjegoi dhe se çfarë do të ndodh me qeverinë e Maqedonisë së Veriut nëse Zaev largohet.
Grubi: Nuk pajtohemi me dorëheqjen e tij ai duhet ta tërheq atë. Nuk e ka dërguar zyrtarisht dorëheqjen në Kuvend. Ai e paralajmëruar që në raundin e parë që do të jepte dorëheëqjen nëse do të humbite zgjedhjet në Shkup, humbi në shumicën dërrmuese dhe doli para gazetarëve për të paralajmëruar dorëheqjen si kryeministër dhe nga partia. Ne, koalicioni i tij, i thamë që kjo nuk pranohet se pse i duhet vendit i duhet kësaj shumice qeverisëse. E ka paralajmëruar, por nuk e ka dorëzuar në Kuvend, duhet ta deponoj në Kuvend kunstaohet dorëheqja e më pas zgjidhet mandatari në krye të qeverisë. Ideja e tij është që të mandatohet një kryeministër i ri. Nuk e ka në mendje që të rikandidojë për në kryeministër.
Fevziu: Zaev do të iki e ju nuk e lini?
Grubi: Nuk e lëmë Zaevin sepse marrëveshjen se Ahmetai e ka bërë me Zaevin për të qeverisur për katër vite për të zgjidhur çështjen e emrit me Greqinë, për ta zgjidhur kontestin me Bullgarinë, për të hapur negociatat me BE dhe për reformat. Ahmeti tha se është i pakompromist qëndrimi jonë dhe ai duhet të kthehet në krye të qeverisë.
Fevziu: Kur pritet që kjo çështje të marrë rrugë, që largohet apo nuk largohet Zaev?
Grubi: Deri në fund të javës sepse do të kemi diskutime bilaterale dhe besoj se nga e premtja ose e shtuna do të kemi të qartë se si do të vijojmë më tej./Opinion.al
