Ambasadorja amerikane iu ka bërë thirrje qytetarëve shqiptarë që të pajisen me karta identiteti në mënyrë që të votojnë në zgjedhjet e 25 prillit.
Kim shprehet përmes një postimi në “Twitter” se lëshimi i letërnjoftimeve të reja është pjesë thelbësore e marrëveshjes mbi reformën zgjedhore.
“Është shumë urgjente që të gjithë qytetarët e Shqipërisë të marrin karta të reja identiteti në mënyrë që të mund të marrin shërbime dhe të votojnë në zgjedhjet e 25 prillit. Lëshimi i letërnjoftimeve të reja biometrike është një pjesë thelbësore e marrëveshjes mbi reformën zgjedhore. Ju lutemi, mos prisni derisa të jetë tepër vonë. Merrni letërnjoftim të ri tani, në mënyrë që të mund të votoni, më 25 prill”, shkruan Kim./ Opinion.al
