Ambasadorja e SHBA, Yuri Kim, e ftuar në konferencën antikorrupsion ka folur në lidhje me reformën në drejtësi në vendin tonë.
Gjatë fjalës së saj ajo është shprehur se korrupsioni është një mal problemesh në Shqipëri por po bëhen hapa përpara.
Ndër të tjera ajo vlerësoi rrugën e deritanishme, megjithatë theksoi se ka ende shumë për të bërë dhe se prioritet për SHBA është ngritja e BKH.
“Kur shoh reformën në drejtësi në Shqipëri po shoh progres. Korruspioni është një mal problemesh në Shqipëri por po bëjmë hapa. Kjo është larg një deklarate fitoreje. Është një shenjë pozitive që Shqipëria diskuton një temë për të ardhmen e Shqipërisë dhe të ardhmen e vendit. Është në interesin e SHBA që të kemi një aleat që është në gjendje të bëjë pjesën e saj. Jemi përkushtuar që Shqipëria të zërë vendin e saj në shtetet demokratike. Ka pengesa si zyrtarë të korruptuar, poste zyrtare të përdorura për të promovuar palë politike. Qeveritë mund të kufizojnë mundësitë për korrupsion. Shqipëria duhet të fillojë vlerësime të rregullta të gjyqtarëve dhe prokurorëve për të siguruar një ministri të drejtë. Kur të mund të bëni këtë do të keni fituar besimin e njerëzve. Shqipëria ka filluar në këtë rrugë hap pas hapi dhe reforma në drejtësi po jep rezultate. Në mars morët dritën jeshile nga BE. Kjo nuk është deklaratë e fitores. Ne kemi prioritet ngritjen e BKH. Ne presim që të shohim më shumë rezultate”, tha Kim. /Opinion.al
