Ambasadorja e SHBA, Yuri Kim, në Ditën Ndërkombëtare për t’i dhënë Fund Pandëshkueshmërisë së Krimeve kundër Gazetarëve, ka deklaruar se gazetarët nuk duhet të sulmohen.
Përmes një postimi në “Facebook”, Ambasada Amerikane, mbështet rolin jetik të gazetarëve në shoqëri si dhe i cilëson ata thelbësorë për demokracitë.
“Shtetet e Bashkuara të Amerikës mbështetin rolin jetik të gazetarëve në të gjithë botën, përfshirë edhe Shqipërinë. Ata janë burim llogaridhënies dhe informacionit. Ata janë thelbësorë për demokracitë. Ata nuk duhet të sulmohen apo të kërcënohen sepse bëjnë pyetje të vështira dhe tregojnë faktet”, shkruan Kim/ Opinion.al
