YouTube është duke hetuar fshirjen automatike të komenteve kritike për Partinë Komuniste kineze pas akuzave për censurë.
Kompania tha se filtrimi duket se kishte “një gabim” pasi aktualisht i është dhënë më shumë besim sistemeve të automatizuara të redaktimi për shkak të pandemisë sepse punonjësit janë ende në shtëpi.
Hetimi u nxit nga raportet e mediave për ankesat nga sipërmarrësi i teknologjisë Palmer Luckey. Përdoruesit e tjerë të Tëitter u përgjigjën në postimin e tij që edhe ata mendonin se komentet për partinë komuniste ishin fshirë.
Luckey, një themelues i grupit të realitetit virtual Oculus i cili tani është duke punuar për një firmë të teknologjisë së mbrojtjes, shkroi në Tëitter: “YouTube ka fshirë çdo koment që kam bërë në lidhje me Ëumao, një fraksion i propagandës në internet të Partisë Komuniste kineze”, dhe shtoi sistemi i filtrimit të komenteve dukej si një politikë e re censure.
Komentet tërhoqën vëmendjen e senatorit republikan në SHBA, Ted Cruz, i cili e quajti këtë çështje “shqetësuese”.
YouTube, i cili është në pronësi të Google, tha në një deklaratë se nuk kishte bërë asnjë ndryshim të politikave dhe se filtrat e saj ishin krijuar për të hequr vetëm “komentet spammy, urrejtëse ose ngacmuese” nga platforma.
“Kjo duket se është një gabim në sistemet tona të zbatimit dhe ne jemi duke hetuar,” tha një zëdhënës i YouTube për ankesat. “Përdoruesit mund të raportojnë çështje të dyshuara për të zgjidhur gabimet dhe të na ndihmojnë të bëjmë përmirësime të produktit.”
YouTube tha në Mars se pritet të ketë më shumë fshirje të postimeve si rezultat i përdorimit të makinerive inteligjente redaktuese në vend të redaktorëve njerëzorë. /Opinion.al
