Dashuria e pamatë e Yllka Xhikos për bashkëshortin që e vrau dhe vajzën e tyre është e shprehur gjithandej me fjalë të ngrohta dhe me përkushtim të veçantë.
Yllka dhe Mikeli, me vdekjen e tyre lanë pas një vogëlushe jetime 7 vjeçe, së cilës tashmë do t’i mbeten në vesh fjalët e zjarrta të nënës së saj për të atin që shkaktoi tragjedinë në familjen e tyre.
Yllka Xhiko e komenton kështu të shoqin në një fotografi: “Zemra ime që e dua pafund! Mikel, të kam pirat, dashurinë e jetës time. Të kam yll bote. Puccc”
Po ashtu, ajo shkruante me ndjeshmëri dhe përkushtim të thellë për vajzën e saj: ” Vogëlushja ime, zemra e babit dhe e mamit! Të duam shumë!”
Fotografitë e saj të shumta me prindërit, gjyshërit, të afërmit dëftejnë për një grua të re me shpirt romantik dhe me një botë të pasur emocionale.
Sipas fjalëve të babait të saj, Emin Koçibellit, dhëndri ishte i droguar, por vajza nuk donte të divorcohej prej tij.
