Ish-ministri i Drejtësisë, Ylli Manjani, është shprehur ashpër pak orë para se Parlamenti të mblidhet në një seancë të jashtëzakonshme për të diskutuar ngritjen e komisioneve të vettingut, ndërsa opozita ka paralajmëruar bojkotin.
E para duket se Manjani ka një mesazh si për Edi Ramën ashtu edhe për Ilir Metën kur shkruan se “PD është opozita politike zyrtare”.
Një mesazh që i kujton krerëve të mazhorancës se në rast të marrjes së hapave të njënashmë në ngritjen e këtyre komisioneve vetëm me forcën e kartonit, vendimi do të ishte aq i rëndë sa ai e përshkruan me këto fjalë “Ndërtimi i komisioneve të vetting pa opozitën, përveç poshtërsi politike, është puç kushtetues”.
Nuk është e qartë se ky reagim i zotit Manjani është shpërthimi i radhës ndaj mazhoracës aktuale ku ai shërbeu për gati një vit si ministër, apo edhe një paralajmërim për atë që ka prodhura takimi i radhës Rama-Meta në vilën 30, i paraprirë më herët nga takimit Rama, Xhafa, Ruçi.
Postimi i Ylli Manjanit në Tëitter:
Ndërtimi i komisioneve të vetting pa opozitën, përveç poshtërsi politike, është puç kushtetues! PD është opozita politike zyrtare!
— Ylli Manjani (@yllimanjani) March 6, 2017
