Ish-ministri i Drejtësisë, Ylli Manjani, sot, nëpërmjet një shënimi në Twitter ka ironizuar propozimin e kryeministrit Edi Rama, për përzgjedhjen e Fatmir Xhafës në krye të Ministrisë së Punëve të Brendshme.
Në shënimin e tij, Manjani shkruan: Ky i gjashti i ka bërë të gjitha statutet: të Rinisë, të Partisë (PS) dhe të Drejtësisë!Le ta bëjë edhe të Policisë! Ne na rroftë demokracia!
Ky i gjashti i ka bërë të gjitha statutet: të Rinisë,të Partisë (PS) dhe të Drejtësisë!Le ta bëjë edhe të Policisë! Ne na rroftë demokracia! pic.twitter.com/LxKWpRqVaW
— Ylli Manjani (@yllimanjani) March 19, 2017
Pas propozimit të kryeministrit për ribërjen e qeverisë me katër ministra, ka plasur vala e dhimbshme e dëshmive nga periudha e diktaturës komuniste.
Ministri që është caktuar si “i Punëve të Brendshme”, Fatmir Xhafa, sipas dëshmive ka ushtruar dhunë mbi viktimat e diktaturës komuniste.
Madje, duke shërbyer si hetues i të dënuarve politik, ai ka kapërcyer edhe ligjin e kohës, i cili ishte ligji më i egër mes të gjitha diktaturave.
Akuzat ndaj tij janë bërë nga persona konkret dhe për çështje konkrete.
Emri i Fatmir Xhafës, si i propozuar nga kryeministri për Ministër të Punëve të Brendshme është në tryezën e Presidentit të Republikës për të marrë dekretimin.
A do ta dekretojë Presidenti?
Kjo është pyetja që po bëhet rëndom, kryesisht pas lajmërimit nga Presidenca ditën e sotme se në orën18:00, Bujar Nishani do mbajë një konferencë për mediat, por pa sqaruar specifikisht nëse ka lidhje me ndryshimet në qeveri dhe me katër emrat e propozuar nga kryeministri Rama.
Kryetari i PD-së Basha, pak ditë më parë, nga Çadra e protestës tha se “Xhafa bëhet ministër vetëm kur të kalojë mbi trupat tanë”.
