“Ylli i Vdekjes” po e vazhdon rrugëtimin e tij shkatërrues! Kështu të paktën kanë bërë të ditur hulumtuesit, të cilët, vitin e kaluar kishin përdorur një teleskop të madh në Kili për ta shikuar një asteroid që ishte shpërbërë krejtësisht nga një ‘xhuxh i bardhë’ – një yll i vogël që ka filluar të shuhet.
Tani besohet që ylli në fjalë mund t’i ketë ‘ngrënë’ të paktën pesëmbëdhjetë asteroide.
Kjo gjë ka bërë që shumë shkencëtarë të dalin me teoritë e tyre dhe me paralelet e tërhequra kundrejt yllit tonë, transmeton gazeta Kosova Sot Online.
“Dielli do të ‘shpërthejë’ një ditë dhe do ta përpijë Merkurin dhe Venerën, e ndoshta edhe Tokën, para se të bëhet një ‘xhuxh i bardhë’”, ka thënë autori Boris Gänsicke, astronom në Universitetin e Uarkikut.
“Teksa e shikojmë këtë ‘xhuxh të bardhë’ mund ta vërejmë të ardhmen e sistemit tonë diellor”.
