Kryeministri i Japonisë do të vizitojë Kievin, ku do të takojë presidentin ukrainas, Volodymyr Zelensky, ka njoftuar Ministria e Jashtme e Japonisë.
Fumio Kishida u pa duke hipur në një tren në kufirin polak sot në një transmetim të NHK.
Ai do të shprehë mbështetjen për Ukrainën dhe do të tregojë “respektin e tij për guximin dhe këmbënguljen e popullit ukrainas që është ngritur për të mbrojtur atdheun e tyre”, tha ministria e jashtme.
Zoti Kishida do të demonstrojë “refuzimin absolut të ndryshimit të njëanshëm të status quo-së të Rusisë me pushtim dhe forcë, dhe do të pohojë angazhimin e tij për të mbrojtur rendin ndërkombëtar të bazuar në rregulla”.
Vizita e befasishme e kryeministrit mund të shihet si një ofensivë diplomatike ndaj rivalit të vjetër, presidentit kinez Xi Jinping, i cili mbërriti dje në Moskë.
Vizita e tij pason takimet me kryeministrin indian Narendra Modi.
Kishida do të zhvillojë gjithashtu bisedime me homologun e tij polak përpara se të kthehet në Japoni të enjten.
Japonia është anëtare e Grupit të Shtatë vendeve dhe është vendosur të presë samitin e G7 në maj./Opinion.al
