Xhudistja kosovare, Distria Krasniqi, ka fituar medalje ari në Lojërat Olimpike “Tokio 2020”, duke mposhtur të gjitha kundërshtaret.
Në finale, Krasniqi u përball me japonezen Funa Tonaki. Pejania ka fituar ndeshjen e parë me ‘ippon’ ndaj brazilianes, Gabriela Chibana, ndërsa në çerekfinale mposhti me ‘ippon’ Chen Hao Lin në kategorinë deri në 48 kilogramë.
Në gjysmëfinale, Distria u takua me kundërshtaren Urantsetseg Munkhbat, të cilën arriti ta mposhtë gjithashtu, edhe pse me pak vështirësi. Xhudistja kosovare u tregua e fortë, duke fituar me anë të ‘Waza-Arit’.
