Kryeministri britanik, Boris Xhonson i ka komunikuar mbrëmjen e sotme popullit të tij ashpërsimin e masave për të frenuar përhapjen e koronavirusit
Xhonson tha se do të mbyllen të gjitha dyqanet që shesin mallra jo thelbësore, përfshirë veshje dhe dyqane elektronike, si dhe lokalet, bibliotekat, sheshet e lojërave dhe palestrat në natyrë dhe vendet e adhurimit.
Do të ndalohen të gjitha mbledhjet e më shumë se dy personave në publik, duke përjashtuar njerëz me të cilët jetoni, tha Xhonson. Ai shtoi se do të ndalohen të gjitha ngjarjet shoqërore, përfshirë dasmat, pagëzimet dhe ceremonitë e tjera, por jo funeralet.
Nga mbrëmja e sonte, njerëzit në Britani do të lejohen të largohen nga shtëpitë e tyre vetëm për të blerë produktet më të rëndësishme, sa më rrallë që të jetë e mundur.
Do të lejohet vetëm një formë e ushtrimit në ditë, për shembull një vrapim, ecje vetëm ose me një anëtar të familjes.
Dalja nga shtëpia do të bëhet për çdo nevojë mjekësore, për të siguruar kujdes ose për të ndihmuar një person të prekshëm si dhe udhëtimi për në dhe nga puna, por vetëm aty ku është absolutisht e nevojshme dhe nuk mund të bëhet nga shtëpia.
Xhonson paralajmëroi se njerëzit nuk duhet të takohen miqtë e tyre dhe nëse u kërkohet të takohen, duhet të thonë jo.
“Nëse nuk zbatoni rregullat, policia do të ketë kompetencat t’i detyrojë ato me forcë, duke përfshirë gjobat dhe tubimet shpërndarëse,” shtoi ai. /Opinion.al
