Nuk ka asnjë garanci për vaksinën e Covid-19, ka thënë kryeministri britanik Boris Xhonson, megjithëse ai tha se Mbretëria e Bashkuar është shumë e përfshirë në punën për të zhvilluar një të tillë.
“Po dëgjoj disa gjëra shumë inkurajuese nga ato që po ndodhin në Oksford për të patur një vaksinë por kjo nuk është aspak e garantuar. Unë besoj se kam të drejtë të them se, edhe pas 18 vjetësh ne ende nuk kemi një vaksinë për SARS. Ajo që mund t’ju them është se Mbretëria e Bashkuar është në pararojë të bashkërendimit të veprimtarisë ndërkombëtare në përpjekje për të patur një vaksinë”- tha Xhonson.
Ai nënvizoi se qeveria e Mbretërisë së Bashkuar ka vendosur “shuma të mëdha” për të krijuar një vaksinë, por shtoi:
“Nëse më pyesni a jam absolutisht i sigurt që nuk do të jetojmë me këtë për një kohë të gjatë, nuk mund ta them këtë.”
Mund të duhet të bëhemi gjithnjë e më fleksibël, gjithnjë e më të shkathët, gjithnjë më të zgjuar në mënyrën që trajtojmë, jo vetëm këtë infeksion, por edhe infeksione potencialë në të ardhmen.
Teksa Xhonson pohoi se zhvillimi i një vaksine nuk mund të garantohet, këshilltari kryesor shkencor i qeverisë së Mbretërisë së Bashkuar Sir Patrick Vallance tha:
“Do të habitem nëse nuk do të kishim diçka në përfundim”. /Opinion.al
