Analisti Artan Hoxha thotë se nëse brenda Partisë Socialiste nuk ka njerëz që mund të reflektojnë, vendi do të shkojë drejt një skenari si ai i ’96. Këtë pohim ai e mbështet duke thënë se Vala e urrejtjes po përfshin gjithë e më shumë njerëzit e rinj
“Unë besoj se brenda Partisë Socialiste ka ende energji për të reflektuar. Nëse nuk do ketë reflektim, për të krijuar një qeveri të përkohshme ne do të shkojmë drejt një skenari të ’96. Vala e urrejtjes po përfshin gjithë njerëzit e rinj”, tha Hoxha.
Për gazetaren Juli Xhokaxhi deri në këto momente Rama nuk ka ndërhyrë në kandidatët që pranuan të merrnin mandatin e deputetit. Xhokaxhi tha se “unë besoj që Rama nuk ka patur nevojë t’i kontaktojë, ata që kanë hyrë kanë patur inate personale me kryetarin, ose për të mbyllur ndonjë vrimë. Pas kësaj valës së parë Rama mund të shtrijë dorën”/ Opinion.al
