Dashuria ndaj dhunuesit njihet ndryshe si sindroma e stokholmit. Mesa duket një gjë e tillë i ka ndodhur 24-vjeçares nga Fushë-Kruja, Xhisiela Maloku.
Ajo u bë e njohur për historinë e saj të xhelozisë ndaj djalit të deputetit socialist, Rrahman Rraja, Rexhep Rraja. Denoncimi se ishte dhunuar e djegur me cigare nga djali i deputetit socialist shkaktoi jo pak turbullirë në skenën politike madje u cilësua një skandal të cilin ajo vetë më vonë u përpoq ta mbulonte. Megjithëse në trupin e saj u gjendën shenja dhune dhe të djegura ajo deklaroi se i kishte bërë vetë ato dhe doli në mbrojtje të të dashurit të saj.
Megjithatë Xhisila mesa duket nuk ka hatërmbetje me pushtetin duke qenë se ajo e ka deklaruar sot në një postim në Instagram votën e saj për kandidatin socialist Artur Bushi.
“Për Krujën që duam, unë votova njëshin”, shkruan Xhisiela. /Opinion.al
