Aktori i njohur Erkan Petekkaya ka thyer këmbën të premten në dalje të një qendre tregtare në Stamboll, teksa po hipte në makinën e tij.
Sipas “Hurriyet”, aktori i njohur për rolin e Xhihanit në serialin “Fate të Kryqëzuara”, transmetuar edhe në Televizionin Klan, ka përfunduar në spital pasi incidentit, ku vendosi allçi.
Ai mësohet se për një kohë të pacaktuar do të qëndrojë larg seteve të xhirimit.
46-vjeçari, falë interpretimit mjeshtëror në serialin “Fate të Kryqëzuara”, u kthye në një prej aktorëve më të paguar në Turqi.
