Katër shqiptarë të Kosovës kanë rënë në pranga në një operacion të policisë italiane që u shtri deri në Prishtinë. Katër kosovarët e arrestuar për nxitje të luftës dhe xhihadizmit jetonin në Breshia të Italisë.
Hetimet e kryera nga zyra e parandalimit të akteve terroriste në Itali kanë zbuluar kontaktet e vendosura mes organizatave terroriste që përmes internetit dhe rrjeteve sociale propagandonin ideologjinë xhihadiste.
“Koka” e grupit, kishte jetuar për vite në Itali, por u kap gjatë mbrëmjes së të hënës në prishtinë, ndërsa tre bashkëpunëtorët e tij u kanë në Breshia.
Policia italiane bën të ditur se “aksioni është kryer pas një hetimi të gjatë, që ka nxjerrë në pah “tregues të rrezikshëm të fanatizmit fetar në ngarkim të grupit kriminal, anëtarët e të cilit publikonin në internet foto me armë dhe sjellje tipike të luftëtarëve të Shtetit Islamik”.
