Pas lindjes së vogëlushes, Xhensila Myrtezaj ju është rikthyer koncerteve të saj. Menjëherë pasi Ajka erdhi në jetë, Xhensila ju përkushtua intensivisht palestrës dhe mbajtjes në formë të trupit dhe duket se ja ka dalë.
Vetëm dy muaj pas lindjes, ajo vendosi të vijë pranë publikut. Mbrëmjen e kaluar bukuroshja ka publikuar disa foto nga koncerti i saj në Luzern, së bashku me Ardian Bujupin.
Këngëtarja ka zgjedhur të veshë një xhaketë të zezë klasike. Dhe për kombinim nuk ka zgjedhur taka siç jemi mësuar ta shohim zakonisht, por atlete të bardha. Duket se kjo është një zgjidhje shumë e mirë për të qenë më energjike dhe sa më pranë publikut.
