Retorika e mos lejimit të zhvillimit të zgjedhjeve më 30 qershor ka vijuar edhe sot në bashkitë e drejtuara nga forcat e opozitës.
Kryetari i Bashkisë së Kamzës, Xhelal Mziu ka deklaruar së në territorin e Bashkisë së Kamzës nuk do të ketë zgjedhje në 30 qershor.
Përmes një statusi në Facebook ai deklaron se strukturat e Partisë Demokratike të Kamzës dhe Paskuqanit nuk do të lejojnë që zgjedhjet të zhvillohen në kundërshtim me dekretin e Presidentit Meta madje për këtë sipas tij ata janë të gatshëm të shkojnë deri në flijim.
“Ne jemi të vendosur deri në flijim për të drejtën e votës së lirë, për të cilën u ngritëm në vitet 90 për ta bërë “Shqipërinë si gjithë Evropa”. Kamza e vendosur der në fund për zgjedhje të lira dhe të ndershme!” shkruan Xhelal Mziu në Facebook. /Opinion.al
