Xhejn Kumrija: Ardit Gjebrea na çoi në finale, jo kolegët

Megjithëse kanë kaluar javë nga finalja, votimi në festivalin “Kënga Magjike”, vazhdon të diksutohet. Kësaj here në qendër të vëmendjes janë grupi “JanexTrio”, të cilët edhe pse pozicionoheshin në vendin e 33­të në tabelë, ishin pjesë e listës me 20 këngë të finales. Më e “djegura” sipas mediave ka dalë Egzona Ademi, e cila është renditur në vendin e 20­të dhe nuk është pranuar për shkak se vendin e saj e kishin zënë “JanexTrio”. Për prapaskenën e kësa renditjeje flet në një intervistë për “Panorama” këngëtarja e “Janex Trio”, Xhejn Kumrija, që në këtë garë u vlerësua me çmimin “Magjia e parë”.  “Ne na ka kualifikuar produksioni vetë automatikisht në finale, gjatë provave gjenerale në mes të gjithë këngëtarëve. Ishte totalisht e papritur. Pas performancës sonë (provës), që ishte nata e dytë, dhe ku të gjithë këngëtarët ishin prezentë për të dëgjuar me vëmendje çdo konkurrent, për të votuar më pas në darkën e po asaj dite njëritjetrin, në bazë të asaj që dëgjonim. Arditi vjen dhe ngjitet në skenë, duke konstatuar që gjatë provës sonë asnjë nuk e kishte mendjen, pasi po merreshin me telefonat dhe biseda për qejfin e tyre. Kështu nënkuptohej që në atë moment që vleresimi tyre do të ishte 0, kështu vendosi që të na kalonte ai vetë në finale, sigurisht sepse ka menduar që ne duhej të ishim pjesë e asaj finaleje”, ka thënë këngëtarja.