Mark Nika, xhaxhai i Aleks Nikës, njërit prej viktimave të 21 Janarit thotë se politika nuk do ta zbardhë ngjarjen e rëndë me 4 viktima në Bulevard.
Ai thotë se “kjo çështje tani është e ngrirë në Gjykatën e Lartë”. “Çështje që i kanë interesuar politikës gjykata ka vendosur për 1 javë, ndërsa çështjen tonë e trajtojnë si të parëndësishme, për shkak se akuzat përfundimtare kanë qenë vrasje nga pakujdesia”, vijon ai.
Ndërsa i pyetur në mënyrë të veçantë për çështjen e nipit të tij, Aleks Nika, pasi është e vetmja nga vrasjet e pa hetuar dhe e pa gjykuar, Mark Nika shprehet: “Çështjen e Aleksit e ka prokuroria, akoma nuk ka konkluduar. Për vrasjet e tjera Gjykata e Lartë i ka për një akuzë qesharake “vrasje nga pakujdesia. Prokuroria ka lejuar mangësi në hetim, që shfrytëzohet nga gjyqtarët. Për shkak të trysnisë politike, ende pa e ditur si ka ndodhur ngjarja, u tha që është vrasje e afërt me armë, që nuk e disponon Garda e Republikës, çka nënkupton se ishte një skenar i përgatitur, vrasje e qëllimshme. Nuk e di se si do veproj Gjykata e Lartë. Ka dy muaj që thonë se do japin vendimin, por nuk kanë forcë. Nuk do bëhemi gjakhumbës, por hakmarrja të të nëpërmjet ligjit, nëpërmjet shtetit, jo nëpërmjet familjarëve. Ne kemi folur si familje për ta zgjidhur vetë, sepse unë e di kush e ka vrarë Aleksin, dmth është qëlluar me armën e tij, arma është e Andrea Prendit, por kanë fshehur provat. Por çdo gjë është e filmuar, është pranuar vetë edhe nga ish-kryeministri që u vrasim përsëri. Edhe presidenti Bujar Nishani ka influencuar negativisht në këtë hetim. U tha se kur të vijë Paria Socialiste në pushtet, do zbardhet çështja e “21 Janarit”. Kjo nuk është realizuar, nuk e di a është paaftësi, nuk e di as vetë pse, por për mua procesi është i falsifikuar. Nuk kam besim”.
