Ministri i Brendshëm Fatmir Xhafaj, në një postim në Twitter, i është përgjigjur kreut të PD, Lulzim Bashës, lidhur me deklaratën e tij ku foli për gjendjen e rendit si dhe “shpartallimin e plotë të institucioneve të zbatimit të ligjit”.
“Basha, tha sot:“Ju parashtroj…një çështje kapitale, emergjence kombëtare, siç është gjendja e rendit e shpartallimit të plotë të institucioneve të zbatimit të ligjit!”
Një E PAVËRTETË e madhe, dalë nga goja e ish-min. të Brendshëm më të paaftë në vite
Të dhënat e faktet mbi punën tonë të palodhur e pa kompromis me botën e krimit dhe rezultatet konkrete janë E VËRTETA. Krahaso çdo shifër e të dhënë të kohës së LB si ministër i Brendshëm, me ato të këtyre 2 viteve të fundit. Shihni dhe gjykoni. Imazhe sa për 1000 fjalë!”, shkruan Xhafaj.
