Prej ditësh opozita kërkon largimin e qeverisë si të lidhur me krimin, por ministri i Brendshëm, Fatmir Xhafaj i sfidon duke thënë se krimi ka qenë këtu edhe më parë, ndaj e fton opozitën të bashkëpunojë.
“Nëse sulmojmë njëri tjetrin, ne i japim licencë krimit. Por dua tju them se krimi s’ka ngjyrë dhe as kombësi. Ai nuk lindi sot, ai ka qenë këtu përballë nesh dhe jo rrallë dhe midis nesh, është rritur nga paaftësia dhe në shumë raste janë hasur pikëtakime mes njerëzve të pushtetit dhe kriminelëve. Ne s’mund të merremi me bëmat e banditëve, por të punojmë së bashku për ta fituar këtë luftë jo për partitë por për vendin”, u shpreh Xhafaj në konferencën “Forca e Ligjit” ku merrnin pjesë edhe ambasdorët.
