Ministri i Brendshëm, Fatmir Xhafaj, ka thënë se grupi kriminal “Bajri” që u shkatërrua nga policia, ka pasur influencë politike.
I ftuar në Real Story të Sokol Ballës, Xhafaj tha se “ky grup ka pasur influencë shtetëore madje edhe në polici”.
Ministri falënderoi prokurorët e çështjes pasi sipas tij kanë qenë mes dy zjarresh “presionin nga këto grupe dhe sulmet e opozitës”.
“Është anormale që në momentin që në kryesojmë një operacion për të goditur krimin, mesazhi i parë i shkojnë njerëzve me influence ne politike. Duheshin hetime e përgjime të tëra për të siguruar prova të mjaftueshme për këtë grup. Duhet të ishim të kujdesshëm në këtë drejtim prandaj e zgjatëm punën për këtë grup në 6 muaj”, u shpreh Xhafaj.
Ai tha se janë 9 grupe kriminale të goditura në vitin e fundit.
