Ministrja e Jashtme Olta Xhaçka ka takuar ditën e sotme ambasadoren e SHBA-ve në Shqipëri, Yuri Kim.
Nëpërmjet një postimi në rrjetet sociale, Xhaçka deklaron se është konfirmuar mbështetja e vazhdueshme dhe e zgjeruar e SHBA –së për Shqipërinë, teksa e cilëson si kenaqësi takimin me ambasadoren.
Ndër të tjera Xhaçka shton se parteneriteti me SHBA mbetet themeli i politikës së jashtme.
“Gjithmonë kënaqësi të takoj ambasadoren e Shteteve të Bashkuara të Amerikës në Shqipëri, Yuri Kim. Partneriteti strategjik me SHBA mbetet themeli i politikës sonë të jashtme. Kënaqësi që u konfirmua mbështetja e vazhdueshme dhe e zgjeruar, nga një prej miqve dhe partnerëve më të mirë të Shqipërisë.”, shkruan Xhaçka në Facebook./Opinion.al
