Xavi Hernandez është tashmë zyrtarisht trajneri i Barcelonës dhe do të zëvendësojë tashmë të larguarin Roland Koeman. Ndërsa ka ndarë në Instagram disa foto të historisë së tij me klubin e Barcelonës, Xavi shkruan në Instagram: “Po kthehem në shtëpi. Po kthehem aty ku u rrita, po kthehem në klubin e jetës sime. Nuk mund ta përshkruaj me fjalë çfarë kam në zemër, që do të ndiej sërish emocionet e Camp Nou dhe thirrjet e këtyre fansave. Faleminderit që më besuat sërish dhe të gjithë fansave që besuan se unë mund të merrja këtë rol të rëndësishëm”, shkruan ndër të tjera Hernandez duke pranuar se po e merr skuadrën në një moment të vështirë. “Hisoria vazhdon”, e mbyll ai shënimin./Opinion.al
