Mesfushori i Bayern Munich, Xabi Alonso ka konfirmuar se në fund të këtij sezoni do të tërhiqet nga futbolli. Kapiteni i kombëtares spanjolle ka shpërndarë vendimin e tij përmes një statusi në llogarinë në Tëitter.
“E kam jetuar. E kam dashuruar. Lamtumirë lojë e bukur!”- shkruan 35 vjeçari.
“Nuk ka qenë një vendin i thjeshtë, por besoj se kjo është koha e duhur.”- ka thënë Alonso për televizionin e klubit bavarez.
‘Gjithnjë kam menduar se është më mirë të heqësh dorë shpejt sesa kur të jetë shumë vonë.”-këto ishin fjalët e tij që kanë emocionuar ndjekësit e futbollit.
Ai është fituesi i Botërorit -2010 dhe i Euro 2008 e 2012 me Spanjën dhe i Ligës së Kampionëve në 2014 me Realin.
Pavarësisht moshës se tij, Alonso ka qenë gjithnjë titullar ne 11-tëshen tip të Carlo Ancelottit këtë sezon.
“FC Bayern falënderon një njeri dhe një futbollist të jashtëzakonshëm, që ka përfaqësuar me nivel Bayern”, deklaroi presidenti i klubit, Karl-Heinz Rummenigge.
Me Bayern, Alonso ka fituar dy kampionate dhe një Kupë të Gjermanisë./opinion.al
