Jo vetëm ne, por tani edhe bota e ndjek dhe e pëlqen shumë Era Istrefin, falë këngës “Bonbon” e cila u bë hit edhe jashtë kufijve, në një kohë shumë të shkurtër.
“Vetëm nëse keni jetuar poshtë gurëve, sepse sigurisht e keni dëgjuar ‘Bonbon’. Kënga i solli famën Era Istrefit, bëri që ajo të nënshkruajë me ‘Sony Music’ dhe të krahasohet me emrat si Rihanna dhe Sia’, komentohet Istrefi në një shkrim të Wiwibloggs.
Wiwibloggs është një prej platformave më të mëdha të festivalit në Europë dhe ndiqet gjatë tërë vitit, jo vetëm kur mbahet Eurovizioni, për analiza dhe për lajme rreth këngëtarëve që marrin pjesë në këtë garë muzikore.
Ky blog, përmes një shkrimi, thotë se Era është edhe mbretëreshë e rrjeteve sociale, çka luan rol në një pjesëmarrje të saj të mundshme në Eurovizion. “Shqipëria e ka provuar tanimë disa herë fatin e saj në festivalin muzikor Eurovision Song Contest.
