Kohët e fundit ka qenë në qendër të vëmendjes të mediave mënyra sesi zgjedhin të udhëtojnë familja mbretërore.
Meghan Markle dhe Princ Harry u diskutuan dhe kritikuan gjatë për shkak të udhëtimeve me avion privat dhe luksoz që kishin zgjedhur gjatë pushimeve të tyre.
Shumë nga personazhet e njohur u dolën në mbrotje mes tyre dhe kantautori Elton John. Por një tjetër panoramë vjen nga çifti Kate Middleton dhe Princ William.
Ata kanë përdorur një avion me kosto të ulët për të udhëtuar nga Anglia në Skoci. Duka dhe Dukesha kanë bërë një udhëtim familjar duke marrë tre fëmijët e tyre dhe dadon Maria.
Sipas pasagjerëve në avion, udhëtimi i tyre nuk u përcoll me ‘spektakël’, pasi ata ishin mjaft diskret dhe të thjeshtë gjatë gjithë kohës.
“Askush nuk e dinte që ata ishin në avion, vetëm më vonë vura re se nëna e Kate ishte ulur pak më larg nga unë,”-u shpreh një pasagjer.
Nuk dihet ende përse çifti zgjodhi të bëjë një udhëtim në Skoci, por mendohet se për pushimet e tyre të dyta ata do të vizitojnë Mbretëreshën dhe Princin Filip të cilët ndodhen aty.
Pallati Mbretëror nuk ka ofruar asnjë detaj për mediat rreth këtij udhëtimi.
Nuk dihet nëse fluturimi në këto kushte i tyre ishte për të ‘sfiduar’ dukeshën Meghan dhe Princ Harryn pas jehonës që patën udhëtimet e tyre këto kohë./Opinion.al/
