Gruaja dhe njëkohësisht menaxherja e sulmuesit argjentinas, Wanda Nara ka deklaruar se ka shumë klube të mëdha evropiane që kanë bërë ofertë për Mauro Icardin, por tani për tani ka thënë ajo, prioriteti i tij është vetëm Interi.
“Ka disa klube të mëdha të gatshme për të paguar klauzolën e lirimit, e cila është shumë e lartë, por duke pasur parasysh shifrat që qarkullojnë në futboll tani dhe llojin e lojtarit Mauro, nuk është aspak aq i shquar. Ka shumë klube që bëjnë presion, por prioritet i tij është Interi. Do të ketë një takim me drejtorin e tyre të sportit dhe përparësia që nga sot është të qëndrojë këtu. Kjo më irriton kur njerëzit nënvlerësojnë Mauro, pasi ai kërkohet nga tre ekipet më të mira në botë.
Ne do të shohim se çfarë bën ai me Interin, situata është se ai do të nënshkruajë një rinovim ose do të largohet, por përparësia është të mbetet këtu dhe të zgjidhim çështjen para se të mund të shkojmë me pushime” ka thënë Wanda Nara për “Radio Metro”.
Kualifikimi i Interit në Champions League për sezonin e ardhshëm do të bëjë që skuadra zikaltër ta bindë më patjetër sulmuesin për të qendruar në Milano.
Interes për sulmuesin argjentinas kanë shfaqur Real Madridi, Paris SG dhe Bayern Munich.
